«Երևանն առանց Ազնավուրի, մի տեսակ թերի էր»․ Արման Բաբաջանյան

ԱԺ նախկին պատգամավոր Արման Բաբաջանյանի ֆեյսբուքյան գրառումը․ «Ես չգիտեմ՝ արձանը լավն է, թե վատը։ Դա թող ասեն արվեստաբանները։ Բայց մի բան գիտեմ հաստատ. Երևանն առանց Ազնավուրի, մի տեսակ թերի էր։ Հիմա նա այստեղ է, մեզ հետ է, մեր կողքին է, մեր մեջ է: Ոչ թե պարզապես որպես արձան, այլ որպես մի ամբողջ սերնդի ձայն, որպես մեր հայ լինելուն տված միջազգային արժեք, որպես կամուրջ, որ Հայաստանը սրտով կապում է Ֆրանսիային։
Շառլ Ազնավուրն այն եզակի անհատներից էր, ում միայն անունը հիմա էլ բացում է դռներ, սրտեր, հարաբերություններ։ Նրա շնորհիվ մեզ սիրել են, հասկացել են, հարգել են։ Սա մեր երախտիքի մասին է։ Սա սովորական արձան չէ, այլ սեր, խոնարհում ու ազգային արժանապատվություն»։