«Հայրս հավատում էր այս երկրի ապագային»․ Նիկոլա Ազնավուր

«Հայրս սիրահարված էր Հայաստանին, սիրում էր Հայաստանը կրքոտ ձևով»,- այսօր մեծն շանսոնյե Շառլ Ազնավուրի արձանի բացման ժամանակ ասել է նրա որդին՝ Նիկոլա Ազնավուրը։ «Այդ սերը ոչ միայն արտացոլվում էր իր բառերում, այլև արտահայտվում էր իր գործունեությամբ: Նա կրել է Հայաստանն իր սրտի ներքո և համաշխարհային բոլոր հարթակներում: Նա հավատում էր այս երկրի ուժին, հզորությանը, նա հավատում էր այս երկրի մշակույթին, նա հավատում էր այս երկրի ապագային: Այդ իսկ պատճառով նա շատ խրախուսեց, որպեսզի մենք ժամանենք, հաստատվենք և ապրենք այստեղ, որպեսզի կարողանանք շարունակել իր պարտավորությունը, որպեսզի կարողանանք ապրեցնել և իրականություն դարձնել իր իդեալները: Այս արձանը պատկանում է ողջ հայ ժողովրդին, ինչպես նաև այն մարդկանց, որոնք ամբողջ աշխարհում սիրել են Ազնավուրին և շարունակում են սիրել նրան»,- ասել է Ազնավուրը։։