«Մալաթիայի քննչականի քննիչը իրեն մեծ ***ի տեղ է դրել». Մարատ Եգանյան

Արցախցի լրագրող Մարատ Եգանյանը ֆեյսբուքյան իր էջում գրել է. «Մալաթիայի քննչականի քննիչը իրեն մեծ ***ի տեղ է դրել (բռնագանձել է հաշմանդամի հենակները ու հրաժարվում է նույնիսկ ընդունել այդ մարդուն)։ Ախր, երբ պատերազմի հետևանքով հաշմանդամը փորձում է իր մոտ մտնել, նման կարգի մանր-մունր չինովնիկները պետք է գլխի վրա ընդունեն այդ մարդկանց, ոչ թե մերժեն՝ այն էլ մի քանի անգամ։ Ուշադրություն՝ ոչ թե ասում է, որ զբաղված է և կկարողանա ընդունել քիչ ուշ կամ, ենթադրենք, մեկ այլ օր, այլ ընդհակառակը՝ ընդհանրապես մերժում է։
Դա խոսում է նրա մասին, որ կամ էդ մարդը իր տեղում չէ, կամ էլ ամբողջ կառույցն է արդեն մտել Թուրքիայի ու Ադրբեջանի կազմի մեջ։ Ամեն դեպքում նման անշնորհակալ ու ուրացող մարդկանց տեղը հաստատ հայկական հանրապետության պետական մարմիններում չէ։
Հ.Գ. Չհասկացա՝ մեր երկրում չկա՞ն կառույցներ, որոնք զբաղվում են հաշմանդամների իրավունքների պաշտպանությամբ»: