«ՀՀ արտաքին քաղաքական գործընթացները միտված են մեկ բանի՝ վերարտադրել Նիկոլ Փաշինյանի իշխանությունը»․ Արմեն Աշոտյան

«Հայաստանի արտաքին քաղաքական գործընթացները միտված են մեկ բանի՝ վերարտադրել Նիկոլ Փաշինյանի իշխանությունը, ուրիշ ոչ մի բան»,- ասուլիսի ժամանակ նշել է ՀՀԿ փոխնախագահ Արմեն Աշոտյանը։

Աշոտյանն ընդգծել է, որ Նիկոլ Փաշինյանն ունի յուրահատուկ հատկություն՝ գործընկերներին սարքել թշնամի, ռազմավարական դաշնակիցներին սարքել անտարբեր և մտածել, որ կարելի է թշնամիներից ստանալ գործընկեր։ «Դա չի լինելու, դա հակաբնական է։ Այսօրվա ՀՀ-ի քաղաքականությունը հակաբնական է։ Այն, ինչ որ հակաբնական է, չի կարող երկար կյանք ունենալ»,- ասել է նա՝ նշելով, որ այդ անբնականության գինը մենք ենք վճարելու՝ որպես հասարակություն։

«Եթե ընդդիմությունը շարունակի պայքարել հետևանքների դեմ, երբեք գլխավոր նպատակին չի հասնելու»,- հավելել է Աշոտյանը։