«Թող ասեն՝ որ դաշտում են ուզում քննարկել իմփիչմենթի հարցը, ես իրենց հետ կքննարկեմ»․ Արմեն Աշոտյան

«Հանրապետական կուսակցությունն ունի Նիկոլին հեռացնելու առաջարկ՝ իմփիչմենթն է։ «Հայաստան» դաշինքի իմ գործընկերների բացատրությունները այս հարցի առնչությամբ հակասում են իրենց իսկ քաղաքական հայտարարություններին, իրենց իսկ քաղաքական լոգիկային»,- ասուլիսի ժամանակ նշել է ՀՀԿ փոխնախագահ Արմեն Աշոտյանը։

Նա ընդգծել է, որ պատրաստ է քննարկել ցանկացած հարց, բայց պետք է հարցի քննարկումը տեղի ունենա մի «մարզաձևում»։ «Օրինակ իմփիչմենթը քննարկում ենք շախմատի կանոններով։ Դու չես կարա խաղաս մի խաղ, հետո որտեղ քեզ ձեռք տա, հիշես, որ ուրիշ խաղում կա ուրիշ կանոն, տրյուկ։ Դա չի լինի։ Որոշեք՝ որ դաշտում եք ուզում այս հարցը իրոք քննարկել, բայց մի դաշտում. զենքի ընտրությունը թողնում եմ իրենց։ Թող ինձ ասեն, թե որ դաշտում են ուզում քննարկել, ես իրենց հետ կքննարկեմ»,- ասել է նա։