«Մարդն ասում է՝ մեր ճամփեքը տանք թուրքին, թունելի կռիս դառնանք»․ Գևորգ Պետրոսյան

ԱԺ նախկին պատգամավոր Գևորգ Պետրոսյանը ֆեյսբուքյան եթերով անդրադարձել է կառավարության անդամներին և նրանց գործողություններին։

Նա անդրադարձել է նաև Աժ պատգամավոր Հովիկ Աղազարյանին և մեջբերել նրա արտահայտությունը, թե ՀՀ-ի միակ ճիշտ ճանապարհը Սյունիքի տակով թունել փորելն է։ «Հովիկ Աղազարը օրենք չի կարդում։ Քրեական օրենսգրքի 421 հոդվածը պատասխանատվություն է նախատեսում տարածքային ամբողջականությունը զիջելուն ուղղված գործողություններ կատարելու համար։ Իրավապահ մարմիններ, խի՞ եք լռում, մարդն ասում է՝ մեր ճամփեքը տանք թուրքին, մենք թունելի կռիս դառնանք։ Ես խի՞ պիտի թունելով գնամ, արա՛։ Այսինքն՝ մենք դառնում ենք թունելի կռիսներ, թուրքերն էլ մեր երկրում ոնց ուզում գնում գալիս են»,- ասել է Պետրոսյանը և շեշտադրել․ «Գետինը մտնեք դուք»։