«Զանգեցին, թե շուտ հասի, տունը վառվում է»․ մանրամասներ՝ Ներքին Չարբախի տան հրդեհից

Օգոստոսի 6-ին, ժամը 20։32-ին Ճգնաժամային կառավարման ազգային կենտրոն ահազանգ էր ստացվել, որ Երևան քաղաքի Ներքին Չարբախի տներից մեկում հրդեհ է բռնկվել։ Պարզվել է, որ տան տարբեր սենյակներում գազի բալոններից տեղի է ունեցել արտահոսք՝ հրդեհի բռնկումով։

Հրդեհը մեկուսացվել է ժամը 21։18-ին, մարվել՝ 21։44-ին։ Այրվել են տան տանիքի փայտե կառուցատարրերը (մոտ 100 քմ), խոհանոցը և նախամուտքը՝ գույքով և տեխնիկայով, ջերմահարվել՝ երկու սենյակ (մոտ 60 քմ)։
«Գործի էի, զանգեցին, թե շուտ հասի, տունը վառվում է»,- «Նյուզ»-ի հետ զրույցում ասում է Ռազմիկ Ավետիսյանը, ով այդ տանը բնակվում էր իր տատիկի հետ։ Տունն ու գույքն ամբողջությամբ այրվել են։ Երիտասարդի խոսքով ինքը առողջական խնդիրներ ունի, շինարարության վրա է աշխատում, այժ անելանելի վիճակում է։
«Ճաշը դրեցի գազի վրա, մի պահ դուրս եկա-մտա, տեսա կրակը բռնկվել է»,- պատմում է տատիկը։