«Պուտին-Թրամփ հանդիպումը կարող է տեղի ունենալ օգոստոսի 11-ին»․ Fox News

Ռուսաստանի նախագահ Վլադիմիր Պուտինի և ԱՄՆ նախագահ Դոնալդ Թրամփի միջև հանդիպումը կարող է տեղի ունենալ արդեն հաջորդ երկուշաբթի՝ օգոստոսի 11-ին, որի հնարավոր վայրը համարվում է Հռոմը, պնդում է Fox News-ը՝ հղում անելով բանակցություններին ծանոթ երկու աղբյուրների։
Ավելի վաղ Ռուսաստանի նախագահի օգնական Յուրի Ուշակովը լրագրողներին հայտնել էր, որ Ռուսաստանը և Միացյալ Նահանգները համաձայնության են եկել Պուտինի և Թրամփի միջև առաջիկա օրերին հանդիպման վերաբերյալ, և որ աշխատանքներն այժմ սկսվել են։ Հինգշաբթի օրը Պուտինը ԱՄԷ-ն անվանել է Թրամփի հետ իր հանդիպման համար հարմար վայրերից մեկը։