Թրամփի և Պուտինի հանդիպումը կկայանա Ալյասկայում

ԱՄՆ նախագահ Դոնալդ Թրամփը Truth Social սոցիալական ցանցում հայտարարել է, որ օգոստոսի 15-ին Ալյասկայում կհանդիպի Ռուսաստանի նախագահ Վլադիմիր Պուտինի հետ։ «Իմ՝ Ամերիկայի Միացյալ Նահանգների նախագահի, և Ռուսաստանի Դաշնության նախագահ Վլադիմիր Պուտինի միջև երկար սպասված հանդիպումը կկայանա հաջորդ ուրբաթ՝ 2025 թվականի օգոստոսի 15-ին, Ալյասկայի մեծ նահանգում։ Լրացուցիչ մանրամասները կհայտարարվեն ավելի ուշ», - գրել է Թրամփը։