«Խաղաղության պայմանագրի պաշտոնական ստորագրումը չպետք է շատ ժամանակ պահանջի»․ Ալիև 

Ադրբեջանի նախագահ Իլհամ Ալիևը հայտարարել է, որ Ադրբեջանի և Հայաստանի միջև խաղաղության պայմանագրի պաշտոնական ստորագրումը չպետք է շատ ժամանակ պահանջի։

«Ես կարծում եմ, որ ժամանակ կորցնելու կարիք չկա։ Հաշվի առնելով, որ Ադրբեջանն ու Հայաստանն արդեն նախաստորագրել են խաղաղության պայմանագիրը, դրա պաշտոնական ստորագրումը չպետք է շատ ժամանակ պահանջի», - Վաշինգթոնում ադրբեջանական մամուլին տված հարցազրույցում ասել է Իլհամ Ալիևը։