Բայրամովը և Ֆիդանը քննարկել են Վաշինթոնում կայացած հանդիպման արդյունքները

Ադրբեջանի ԱԳ նախարար Ջեյհուն Բայրամովը և Թուրքիայի ԱԳ նախարար Հաքան Ֆիդանը հեռախոսազրույց են ունեցել։

Այս մասին հաղորդում են ադրբեջանական լրատվականները՝ հղում անելով Ադրբեջանի արտաքին գործերի նախարարությանը։

Թուրքիայի արտաքին գործերի նախարարության ղեկավարը շնորհավորել է Ադրբեջանին Վաշինգթոնում Ադրբեջանի և Հայաստանի ղեկավարների հանդիպման ժամանակ ձեռք բերված պատմական նվաճումների կապակցությամբ։

Զրուցակիցները ընդգծել են, որ ձեռք բերված պայմանավորվածությունները, ինչպես նաև ԱՄՆ նախագահի մասնակցությամբ Ադրբեջանի և Հայաստանի ղեկավարների կողմից ստորագրված համատեղ հռչակագիրը, մեծ նշանակություն ունեն տարածաշրջանում խաղաղության և կայունության ապահովման համար։ Նշվել է, որ խաղաղության պայմանագրի նախաստորագրումը և ԵԱՀԿ Մինսկի գործընթացի և համապատասխան կառույցների լուծարման համատեղ կոչը նշանակալի ներդրում են խաղաղության գործում։ Նախարարները հույս են հայտնել, որ այդ կառույցները լուծարելու վերաբերյալ ԵԱՀԿ որոշումը կկայացվի մոտ ապագայում։