«Այսօրվա ընդդիմությունը «нищий» է», քաղաքական առումով սպառվել է»․ Ալեն Սիմոնյան

«Մի հատ լավ կինո կա՝ «Ռուսական կայսրության թագը», որ գալիս ասում է. «полковник Кудасов нищий». հիմա այսօրվա ընդդիմությունը нищий է»,- այս մասին այսօր ԱԺ-ում հայտարարությունների ժամին իր ելույթում նշեց ԱԺ նախագահ Ալեն Սիմոնյանը։

«Ժողովո՛ւրդ, կներեք, բայց քաղաքական առումով դուք սպառվել եք, որովհետև ես լսում էի ձեր բոլորի ելույթը և քաղաքական ելույթ գոյություն չունի։ Նույն բաները արդեն հինգ տարի է ասում եք, և ցավոք սրտի, թե ի ուրախություն, սպառվել է ձեր խոսույթը և դուք օրակարգը այլևս չեք թելադրում, չեք ձևավորում և չեք էլ կարողանալու ձևավորել»,- ասաց ԱԺ նախագահը։