Երկուշաբթի, 06 ապրիլի, 2026 թ.
|
Ստեփանակերտում`   +13 °C

Ռոմանոս Պետրոսյանն ամսական 5 մլն դրամից ավելի աշխատավարձ է ստանում. «Հրապարակ»

Ռոմանոս Պետրոսյանն ամսական 5 մլն դրամից ավելի աշխատավարձ է ստանում. «Հրապարակ»
442
Չորեքշաբթի, 17 սեպտեմբերի, 2025 թ., 09:12

«Հրապարակ»-ը գրում է. «Հուլիսի 18-ից ՀԷՑ-ի ժամանակավոր կառավարիչ նշանակված ՔՊ-ական Ռոմանոս Պետրոսյանը, մեր տեղեկություններով, մոտ 5.2 միլիոն դրամ աշխատավարձ է ստանում։ Ռոմանոս Պետրոսյանին բարձր աշխատավարձ վճարելու պարտավորությունը Հանրային ծառայությունները կարգավորող հանձնաժողովի որոշմամբ դրվել է ՀԷՑ-ի սեփականատիրոջ՝ Սամվել Կարապետյանի ուսերին։
Համեմատության համար հիշենք, որ Պետական վերահսկողական ծառայության՝ ՊՎԾ պետի պաշտոնում, Ռոմանոսը ստանում էր 790 հազար դրամ աշխատավարձ, ՀԷՑ մտնելուց առաջ նա հայտարարեց, թե՝ հանուն Հայաստանի հանրապետության է գնում ՀԷՑ, իբր այն առողջացնելու նպատակով և բոլորը մտածեցին, որ դա անշահախնդիր աշխատանք է լինելու՝ հանուն պետության: Իրականում ամեն օր ավելի ենք համոզվում, որ Նիկոլ Փաշինյանը պարզապես ՀԷՑ-ը իր սեփականատիրոջից խլելու մտադրություն ուներ, իսկ Ռոմանոս Պետրոսյանն էլ՝ թվանոց աշխատավարձ ստանալու ցանկություն:

Հսկա կառույցը ընտրություններից առաջ արագորեն ՔՊ-ականացվում է: Իշխանությունը որոշել է Սամվել Կարապետյանին բանտու պահել, նրա հաշվին մեծ խումբ ՔՊ-ականների բարձր վարձատրվող աշխատանքով ապահովել և ՀԷՑ-ի մոտ 7000 աշխատակիցների ներուժը իշխանության օգտին օգտագործել»:

Կարդացե՛ք նաև