Նեթանյահուն փոփոխություններ է մտցրել Թրամփի` Գազայի վերաբերյալ պլանի մեջ. #FT

Իսրայելի վարչապետ Բենիամին Նեթանյահուն փոփոխություններ է մտցրել ԱՄՆ նախագահ Դոնալդ Թրամփի՝ Գազայի հարցով հակամարտության կարգավորման ծրագրում, հաղորդում է Financial Times-ը։
«Արաբական երկրները նշում են, որ Նեթանյահուի կողմից համաձայնագրի վերանայումը երբեք չի ընդունվի ՀԱՄԱՍ-ի կողմից։ Մենք կրկին սկսել ենք քննարկել մանրամասները՝ [փաստաթուղթը – խմբ.] որպեսզի հասնենք ավելի իրատեսական և երկու կողմերի համար ընդունելի մի բանի», - թերթին ասել է անանուն դիվանագետը։ Աղբյուրի տվյալներով՝ փոփոխությունները վերաբերում են իսրայելական զորքերի վերաբաշխման ժամկետներին և վայրին, ինչպես նաև Պաղեստինի ազգային ինքնավարության ապագա դերին։ Արաբական երկրները մտահոգված են այս փոփոխություններով։ Երկուշաբթի օրվանից Շարմ էլ Շեյխում ընթանում են ՀԱՄԱՍ-ի և իսրայելական պատվիրակությունների միջև անուղղակի բանակցություններ՝ Եգիպտոսի, Կատարի և Թուրքիայի միջնորդների մասնակցությամբ, ԱՄՆ նախագահի խաղաղության ծրագրի վերաբերյալ։