Կիրակի, 22 մարտի, 2026 թ.
|
Ստեփանակերտում`   +8 °C

Գազայի ականազերծումը կարող է տևել մինչև 30 տարի

Գազայի ականազերծումը կարող է տևել մինչև 30 տարի
1192
Ուրբաթ, 24 հոկտեմբերի, 2025 թ., 12:34

Գազայի տարածքի ականազերծումը և չպայթած ականների և արկերի ոչնչացումը, որոնք մնացել են երկու տարվա ռազմական գործողություններից հետո, կարող է տևել մոտ 30 տարի: Maan լրատվական գործակալության հաղորդմամբ՝ նման տվյալներ է ներկայացրել պաղեստինյան անկլավում ՄԱԿ-ի հովանու ներքո գործող միջազգային ոչ կառավարական կազմակերպության ներկայացուցիչը։

Նշվում է, որ Գազայում բոլոր չպայթած առարկաների վնասազերծումը «պարզապես անհնար է», քանի որ դրանցից շատերը շատ խորն են գտնվում։

Ավելի վաղ, «Handicap International» միջազգային ոչ կառավարական կազմակերպության ներկայացուցիչը հայտնել էր, որ իր գնահատականներով՝ 2023 թվականի հոկտեմբերից ի վեր անկլավի վրա նետվել են մոտ 70,000 տոննա արկեր և ռումբեր, որոնց 5%-ից 10%-ը չի պայթել։