Արթուր Պողոսյանը՝ համացանցում տարածված տեսանյութի մասին

Լրագրողների հետ զրույցում անդրադառնալով համացանցում տարածված, ենթադրաբար Արշակ Սրբազանի մասնակցությամբ տեսանյութին ու պատասխանելով հարցին՝ ուզո՞ւմ եք ապրել մի երկրում, որտեղ անձին գաղտնի տեսանկարահանում են լոգարանում, ՔԿ նախագահ Արթուր Պողոսյանն ասաց. «Անընդհատ սևեռվել եք, որ դա արվել է իրավապահ մարմինների կողմից, չէ՞, դուք էդ վարկածն եք շրջանառում, չէ՞: Բայց մենք ունենք բազմաթիվ դեպքեր, երբ, օրինակ, միջադեպի մասնակիցները մեկը մյուսին է հրապարակել: Ունենք ընդամենը տեսաձայնագրություն, բայց չգիտենք՝ երբ է արվել, ինչ հանգամանքներում և այլն»: Պաշտոնյան նշեց, որ վարույթ է նախաձեռնվել, կատարվում է նախաքննություն: