«Ավելի քան 1 միլիարդ դրամ պարգևավճար` անարդյունավետ աշխատող պաշտոնյաներին». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Նիկոլ Փաշինյանի իշխանությունը կենսաթոշակառուների, հաշմանդամերի խղճուկ կենսաթոշակները չի բարձրացնում, ընտանեկան նպաստ, եռամսյակային դրամական օգնություն ստացող ընտանիքների թիվն ամեն տարի կրճատում է, սահման պահող պայմանագրային զինծառայողներին, աշխարհազորայիններին, գյուղական դպրոցների ուսուցիչներին քիչ աշխատավարձ է տալիս, որ բարձրացրած հարկերով, տուրքերով, նոր վարկերով ձևավորված պետական բյուջեից ավելի քան 1 միլիարդ դրամ պարգևավճար վճարի անարդյունավետ աշխատող, իրենց ղեկավարած ոլորտներում ձախողված պաշտոնյաներին։ Նրանք ինչո՞ւ են աղքատ Հայաստանի պետբյուջեից մեծ պարգևավճարներ ստանում, որպեսզի միշտ լինեն իշխանության կողքին, թիկունքին։ Սա դասական, քաղաքական կոռուպցիա է, բյուջեն մսխելու թավշյա ձև»։