«Դե երևի ուզել են Արշակ Սրբազանի գրպանը թմրանյութ գցել, հետո հասկացել են, որ սքեմը գրպաններ չունի». Հայկ Մամիջանյան

«Ուզում եմ մի քանի կետ ֆիքսենք. խոսքը 2018թ. դրվագի մասին է, որտեղ մի քանի հոգի ցուցմունք է տվել, թե իբր իրենց մոտ հայտնաբերված թմրանյութերն իրենց գրպանը գցել է Արշակ Սրբազանը»,- Արշակ արքեպիսկոպոս Խաչատրյանի կալանքի միջնորդության նիստից առաջ, լրագրողների հետ զրույցում, ասաց ընդդիմադիր խմբակցության պատգամավոր Հայկ Մամիջանյանը: «Ճանապարհին նայեցի, լրատվականներից մեկը կոմիքս էր պատրաստել, որ՝ իշխանությունները հավանաբար առաջնորդվել են հետևյալ սկզբունքով՝ ի՞նչ անենք, Սրբազանին բռնենք, դե երևի գրպանը թմրանյութ գցենք, հետո հասկացել են՝ սքեմը գրպաններ չի ունենում, որոշել են ասել, որ Սրբազանն ինքն է ինչ-որ մեկի գրպանը թմրանյութ գցել»,- հավելեց նա՝ ընդգծելով, որ սա անաստվածություն ու անբարոյականություն է: