«Այսօր հարվածում են այն հոգևորականներին, որոնք պաշտպանում են եկեղեցին»․ Հակոբ Բագրատունի

«Մեզ համար եկեղեցին եղել է այն ողնաշարը, որը մեր ժողովրդին պահել է այն օրերին, երբ պետություն չունեինք՝ Օսմանյան շրջանում, այն օրերին, երբ արգելքներ կային եկեղեցու դեմ, երբ արգելված էր կոչնակներ հնչեցնելը։ Այսօր նույն կացության մեջ ենք»,- ՀՅԴ 135-ամյակի հանդիսավոր միջոցառման ժամանակ, լրագրողների հետ զրույցում, ասել է ՀՅԴ Բյուրոյի անդամ, Լիբանանի խորհրդարանի պատգամավոր Հակոբ Բագրատունին։ «Եկեղեցականները հարվածվում են՝ պաշտպանելու համար եկեղեցին։ Մեզ համար եկեղեցին սրբության սրբոց է, պետք է պահենք, պահպանենք Հայաստանյայց առաքելական սուրբ եկեղեցին»,- ասել է նա։