«Նիկոլները մի օր գնալու են, իսկ դուք պատմության մեջ մնալու եք որպես դավաճաններ». Արմեն Հովասափյան

ՀՀԿ խորհրդի անդամ Արմեն Հովասափյանի ֆեյսբուքյան գրառումը. «Հայ եկեղեցու 10 տիրադավ եպիսկոպոսների մասին վերջին մի քանի օրերին բավական շատ հնչեցին պարսավանքի ու քննադատության խոսքեր, որոնք միանշանակ ոչ միայն տեղին էին, այլ որոշակի առումով նաև թույլ, քանի որ տեղի ունեցածն ակնհայտ ուխտադրժություն ու դավաճանություն էր Հայ եկեղեցու հանդեպ․ այդ տասնյակը դասական ապոստատներ (հավատուրացներ) էին, որոնք իրենց ուսերին վերցրեցին քրիստոնեության մեջ համարվող մեծագույն մեղքերից մեկը՝ ուրացան հավատը։
Ցավոք սրտի, այդ տասնյակում էր Արցախի թեմը ներկայացնող սուբյեկտը, ով բավականին էպոտաժային կերպար լինելուց բացի, երեկ մի հայտարարության տեքստ էր տարածել թեմի անունից, որտեղ ամեն կերպ փորձում էր արցախցիներին և ողջ հանրությանը համոզել, թե ինքը չի մոռացել Արցախն ու արցախցու ապրած ողբերգությունը և շարունակում է մնալ այդ խնդրով թիվ մեկ շահագրգիռ անձանցից մեկը։
Տվյալ «այրը» չի դադարում զարմացնել բոլորիս ու իր վրա ապատիայի հերթական դոզան հավաքել․ հերիք չէ, որ ողջ Արցախն ու արցախցուն է խայտառակել իր անբարո պահվածքով՝ Արցախի դահիճի առաջ խոնարհվելով, մի հատ էլ պաթետիկ տեքստ է գրել, ու դա էլ քիչ է՝ երես ունի էդ տեքստերը տարածել։ Սա տեսակի հարց է, էդ մարդն իր էությամբ շարքային վաճառական է ընդամենը, ուրիշ ոչինչ։
Դրան ու մնացածին մի բարի խորհուրդ տամ․ Նիկոլները մի օր գնալու են՝ չեն լինելու իշխանություն, իսկ դու (դուք) պատմության մեջ մնալու եք որպես դավաճաններ․ այդ կլեյմոն հավերժ մնալու է ձեր ճակատին»: