«Այդպիսի բան գոյություն չունի. էդ մարդը երևի նոր Խորենացի է դարձել». Աշոտ Ղուկասյան

24TV-ի եթերում անդրադառնալով վարչապետ Նիկոլ Փաշինյանի՝ «Մեսրոպ Մաշտոցը կրոնավոր դառնալուց առաջ պետական պաշտոնյա էր. ինքը կրոնավոր դարձել է, ըստ ամենայնի, կրթական համակարգում աշխատանքի անցնելու համար, որովհետև այն ժամանակ կրթվելու ուրիշ տեղ, քան եկեղեցին, չկար» հայտարարությանը, պատմաբան Աշոտ Ղուկասյանն ասել է. «Ես չգիտեմ, էդ մարդը երևի նոր Խորենացի ու նոր Բյուզանդ է դարձել: Էդպիսի բան գոյություն չունի: Մաշտոցը եկավ, ծառայության մտավ արքունիքում, դպիր էր աշխատում, գրագետ էր, իսկ հետո, երբ տեսավ քրիստոնեության քարոզն օտար լեզվով է ու դա չի նպաստում քրիստոնեության արագ տարածմանը, թողեց ամեն ինչ, գնաց Գողթն գավառ՝ քրիստոնեություն քարոզելու, որտեղ հեթանոսությունը շատ ամուր էր: Հետո հասկացավ, որ բանավոր քարոզը քիչ է, անհրաժեշտ է թարգմանել... Նա ի՞նչ պաշտոնյա»: