Կիևում ռուսական հարձակումից հետո ավելի քան 1 միլիոն բնակիչ մնացել է առանց էլեկտրաէներգիայի

944

Չորեքշաբթի, 21 հունվարի, 2026 թ., 00:22

Կիևում ռուսական հարձակումից հետո ավելի քան 1 միլիոն բնակիչ մնացել է առանց էլեկտրաէներգիայի, իսկ ավելի քան 4000 բնակարանային շենքերում ջեռուցման համակարգ չկա, հայտարարել է Ուկրաինայի նախագահ Վլադիմիր Զելենսկին իր երեկոյան ելույթում։ Նա նշել է, որ ռուսական հարձակման հետևանքների վերացման համար անհրաժեշտ կլինի առնվազն մի քանի օր, և բոլոր տեղական ինքնակառավարման մարմիններն ու պետական պաշտոնյաները պետք է միանան վերականգնման ջանքերին։
Հունվարի 20-ի գիշերը Ռուսաստանը կրկին հարձակվել է Ուկրաինայի էներգետիկ ենթակառուցվածքների վրա։ Կիևի իշխանությունները հայտնել են, որ 5635 բնակարանային շենք՝ քաղաքի շենքերի կեսից ավելին, ջեռուցման կարիք ունի։ Վերխովնա Ռադայի շենքը նույնպես զրկվել է ջեռուցումից, էլեկտրաէներգիայից և ջրից։