Երեքշաբթի, 18 օգոստոսի, 2026 թ.
|
Ստեփանակերտում`   +25 °C

«Կենտրոնական Ասիայի և Հարավային Կովկասի երկրները հեռանում են Ռուսաստանից». Ֆինլանդիայի նախագահ

«Կենտրոնական Ասիայի և Հարավային Կովկասի երկրները հեռանում են Ռուսաստանից». Ֆինլանդիայի նախագահ
2506
Հինգշաբթի, 22 հունվարի, 2026 թ., 21:56

Ռուսաստանի տնտեսությունը «փլուզման եզրին է», գնաճը հասնում է 30%-ի, հայտարարել է Ֆինլանդիայի նախագահ Ալեքսանդր Ստաբը Դավոսում կայացած Համաշխարհային տնտեսական ֆորումի «Կարո՞ղ է Եվրոպան պաշտպանվել» թեմայով քննարկման ժամանակ հնչած իր ելույթում:
Ստաբի խոսքով՝ Վլադիմիր Պուտինը «ռազմավարական ձախողում» է կրել Ուկրաինայում իր սկսած պատերազմի պատճառով։ Չնայած Ռուսաստանին հաջողվել է գրավել Ուկրաինայի տարածքի մոտ 20%-ը, մարտերում զոհվել կամ վիրավորվել է մեկ միլիոն ռուս զինվոր։

Ավելին, Ստաբը հայտարարել է, որ «կայսերական Ռուսաստանը կորցրել է իր ազդեցության ոլորտի մի մասը, քանի որ Կենտրոնական Ասիայի և Հարավային Կովկասի երկրները հեռանում են նրանից»։