ԱՄՆ-ն բեռնաթափել է վենեսուելական նավթը յոթ բռնագրավված լցանավերից

ԱՄՆ-ն բեռնաթափել է վենեսուելական նավթը յոթ բռնագրավված լցանավերից, հայտարարել է նախագահ Դոնալդ Թրամփը։ Նա ասել է, որ վառելիքն այժմ վերամշակվում է Հյուստոնի նավթամշակման գործարաններում։ Նախագահը հրաժարվել է բացահայտել նավերի գտնվելու վայրերը։

«Մենք վերահսկում ենք Վենեսուելայի նավթը։ Վենեսուելան կստանա մի մասը, և մենք կստանանք մյուս մասը։ Այնուհետև խոշոր նավթային ընկերությունները կգան և այնքան նավթ կհանեն, որ Վենեսուելան ավելի շատ գումար կվաստակի, քան երբևէ»,- ասել է Թրամփը New York Post-ին տված հարցազրույցում։

Սպիտակ տունը հայտարարել է, որ ԱՄՆ-ն կալանում է Վենեսուելայից եկող բոլոր ոչ պետական ​​լցանավերը։ ԱՄՆ-ի էներգետիկայի նախարարի խոսքով՝ Վաշինգթոնը անորոշ ժամանակով ստանձնել է Վենեսուելայից ամբողջ նավթի վաճառքի վերահսկողությունը։ ԱՄՆ-ի պետքարտուղար Մարկո Ռուբիոն ասել է, որ ամերիկյան կողմն ակնկալում է ստանալ 30-50 միլիոն բարել նավթ։