«Բոլոր պարերը պարել էինք, մնացել էր տրնգին». Արեգ Սավգուլյան

Պատմաբան Արեգ Սավգուլյանի ֆեյսբուքյան գրառումը. «Գերագույն գլխավոր թմբկահարը. «Բոլոր պարերը պարել էինք՝ մնացել էր տրնգին»։
1․ Գերակա խնդիրը հրապարակը լցնելն է, նախկինում ՆՓ-ն դա անում էր էմոցիոնալ բովանդազուրկ խոսքի, նյարդային ցնցումներով ուղեկցվող մնջախաղային ժեստերի և հիստերիկ շարժումների միջոցով և դա աշխատում էր։ Լյումպեն զանգվածը նրան մեծարում էր, և պողպատյա մուրճին վարդագույն ժապավեն կապում և երկիրը տանում «բարդաքի», իսկ նախկիններին գրողի ծոցն ուղարկում։
2․ Անցավ 8 տարի և ՆՓ-ն ինքը դարձավ նախկին, իսկ իր քամուցքշված պալատականները՝ երկրի օտարված և հղփացած «տերեր»։ Լյումպեն զանգվածը հիասթափվեց, որովհետև հոգնել է գրպանում վազող մկների առատությունից, որոնք անընդհատ կրում-տանում են՝ գույքահարկի, աղբի վճարի, հարկ ու տուրքի, սննդի և դեղորայքի աճող գների միստիկ խառնաշփոթում և չդադարող խոստումների հոսանքում, որտեղ տաշեղի պես գլորվելով նաև հարկատու-հերոսը հայտնվել է սոցիալական անդունդում։
3․ Հեղափոխական հասարակարգ կառուցելու փոխարեն Երևանում և մերձակայքում շինվեցին երկանքերեր, որոնք վերածվեցին սոցիալան բուրգի սֆինքնսերի՝ խորհրդանշելով դասային անհավասարությունը՝ խոշոր պարգևավճար խժռող չինովնիկի և կանաչի ծախողի միջև։
Հ.Գ. Նիկո՛լ, երբ ասում ես հեղափոխությանը այո՛, ուրեմն դու կողմ ես Հայրենիքի 1/3-ի կորստին, Աղքատությանը և Թշվառությանը, Զանգեզուրի միջանցքին, Վիլայեթացմանը, Դատական և Տիմ համակարգի փլուզմանը, Սահմանադրության տապալմանը, Բանակի կազմալուծմանը և ամորձահատմանը, Հասարակության պառակտմանը, Հայ առաքելական եկեղեցու քանդմանը և ազգային ինքության և ֆիզիկական ոչնչացմանը»։