«Զարմանալի ազգ ենք»․ Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրում է․ «Զարմանալի ազգ ենք։ Պապական տունը հորեղբոր տղայի հետ կիսելու վեճի պատճառով նռնակ են նետում, իրեն ու հորեղբոր տղային սպանում, խաչմերուկում ճանապարհն իր ավտոյին չզիջելու, փողոցում այլ տղամարդու կողմից իր կնոջը փոքր-ինչ երկար նայելու համար մարդ են սպանում, սակայն զարմանալիորեն հաշտ են, երբ հազարավոր երիտասարդներին տարօրինակ պատերազմով սպանել են, հնամենի Արցախը հանձնել, Հայաստանի սահմանամերձ տարածքները կռվով կամ առանց կռիվ հանձնել են, շարունակում են Բաքվի բանտերում գերիներին տանջել, հրապարակավ ստորացնում են հայերի ազգային արժանապատվությունը։ Ավելին, հազարավորներն ուրախանում են ադրբեջանական էժան բենզինից, Ադրբեջանով ներկրված անասնակեր ցորենից»։