Երեքշաբթի, 24 փետրվարի, 2026 թ.
|
Ստեփանակերտում`   +3 °C

«TRIPP-ն իրականում գործարք է Ադրբեջանի և Միացյալ Նահանգների միջև»․ Լևոն Զուրաբյան

«TRIPP-ն իրականում գործարք է Ադրբեջանի և Միացյալ Նահանգների միջև»․ Լևոն Զուրաբյան
310
Չորեքշաբթի, 28 հունվարի, 2026 թ., 17:18

«Սա իրականում գործարք է Ադրբեջանի և Միացյալ Նահանգների միջև, Ադրբեջանը փող է տալիս, ամերիկացիք ապահովում են Ադրբեջանի քաղաքական նպատակները, ինչի մասին վկայում է այն, որ Դավոսում Թրամփը հանդիպեց Ալիևի հետ, իսկ Փաշինյանին ընդամենը մի երկու անգամ աչքով արեց և ոտքը շոշափեց․ այսպես վարվում են բուտաֆորիայի հետ»,- 24TV-ի եթերում ասել է ՀԱԿ փոխնախագահ Լևոն Զուրաբյանը՝ խոսելով TRIPP նախագիծի մասին։ «Ադրբեջանը ստանում է բացառիկ իրավունքներ Հայաստանի տարածքով իր բեռները տանել-բերելու, իսկ Հայաստանն ընկնում է կախվածության մեջ Ադրբեջանից, ստրատեգիական, կոմունիկացիաների առումով մեր բոլոր հոսքերը կախված են լինելու կամ Ադրբեջանից, կամ Թուրքիայից»,- հավելել է Զուրաբյանը։ «Երբ նախագծի բոլոր համաձայնությունները դառնան իրավական պարտավորություն Հայաստանի համար, և եթե այդ ընթացքում մենք ցանկանաք մեր սուվերեն տարածքի վրա՝ Սյունիքում կառուցել երկաթուղի, որը մեզ կկապի Իրանի հետ և կբացի մեր հասանելիությունը, հարց է ծագում՝ մենք դա կարողանալո՞ւ ենք անել, եթե ԱՄՆ դեմ է դրան։ Պարզվելու է, որ Հայաստանն ուղիղ 100 տարով կորցրել է հնարավորությունն Իրանի հետ սարքելու մի երկաթուղի, որը էական նշանակություն կունենա մեր տնտեսության թռիչքաձև զարգացման համար»,- մանրամասնել է ՀԱԿ փոխնախագահը։

Լևոն Զուրաբյանի հարցազրույցը