«Որքանո՞վ է ռիսկը, որ հակամարտությունը նորից գլուխ կբարձրացնի». հարց՝ Արարատ Միրզոյանին

«ՀՀ-ն երկարատև հակամարտություն է ունեցել Ադրբեջանի հետ ու մի քանի ամիս առաջ ձեռքբերում կար, որը դեռ պետք է ժամանակի ստուգում անցնի: Որքանո՞վ է ռիսկը, որ հակամարտությունը նորից գլուխ կբարձրացնի ու Եվրոպայի խորհուրդն ի՞նչ կարող է անել»,- ԵԽԽՎ նիստի ժամանակ դիմելով ՀՀ ԱԳ նախարարին՝ հարցրեց պատվիրակներից մեկը: Արարատ Միրզոյանը պատասխանեց. «Ինչ վերաբերում է՝ որքան տևական կլինի խաղաղությունը, կախված է մեր բոլորից՝ ՀՀ ժողովրդից, Ադրբեջանի ժողովրդից: Շատ տխուր, ողբերգական թշնամանքի պատմություն ունենք տարածաշրջանում. հակամարտություն, որը տասնամյակներ է տևել... Խաղաղության մասին պետք է հոգ տանել, սնուցել... Վստահ եմ՝ իրական խաղաղությունը, համագործակցությունը, բարգավաճումը Հարավային Կովկասում շոշափելի է, մոտ է»: