«Բանակի բարեփոխումը 0-ից է սկսում, ուրեմն ձախողումն ապահովված է»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Նիկոլ Փաշինյանը նորից 0-ից է ստեղծում, ուրեմն՝ նորից ձախողում կլինի
ՀՀ զինված ուժերի կազմավորման 34-րդ տարեդարձին նվիրված, ՊՆ-ում կայացած հանդիսավոր նիստում Նիկոլ Փաշինյանը հայտարարել է ․ «Այսօր սերժանտական համակարգ է ներդրվում, որը շրջադարձային նշանակություն է ունենալու մեր Զինված ուժերի, մեր բանակի մարտունակության տրամաբանության մեջ: Եվ սա շատ երկար և մանրամասն քննարկված բովանդակային փոփոխություն է, որը շատ կարևոր եմ համարում։ Բոլորովին նոր, ըստ էության, զրոյից տարածքային պաշտպանության նոր համակարգ ենք ստեղծում։ Եվ սա էլ շատ էական է»։ Նիկոլ Փաշինանը անտեսելով մեր բանակի հաղթական, դրական ավանդույթները՝ 0-ից համակարգ է ստեղծում, որի անունը դրել է տարածքային պաշտպանություն։ Ռազմական մեծ, մեռած տեսաբանները նրա այդ գյուտից գերեզմաններում շուռ եկան։ Նիկոլ Փաշինյանը Արցախի հիմնախնդրի վերաբերյալ բանակցությունները սեփական կետից, 0-իվ սկսեց,դա դա աղետով վերջացավ; Հիմա բանակի բարեփոխումը 0-ից է սկսում, ուրեմն՝ ձախողումն ապահովված է»։