«Նիկոլ Փաշինյանը երևի համարում է, որ Քրիստոսի «զապասկեն» է». Ռոբերտ Քոչարյան

«Մեզ մոտ նաև մի խնդիր կա՝ ընտրությունների ժամանակ քաղաքական միավորները փորձում են կամ մտածում են, որ կարող են բոլոր շերտերից ինչ-որ ձայներ կորզել: Դժվար է, դու պետք է հստակ քո էլեկտորատի բնութագիրը ունենաս և հասկանաս, որ քո տեսակը, քո անցած ճանապարհը, քո ծրագրերը ավելի շատ էլեկտորատի որ զանգվածին կարող են հրապուրել: Այդ դեպքում նաև ավելի մասնագիտական առումով հնարավոր է տարանջատել իրարից: Մենք փորձում ենք նաև դա անել այսօր»,- ասուլիսի ժամանակ ասել է ՀՀ երկրորդ նախագահ Ռոբերտ Քոչարյանը: Նա ընդգծել է, որ հասկանում է՝ Նիկոլ Փաշինյան պաշտող մարդկանցից մեկ ձայն չեն բերելու այստեղ, և անիմաստ է աշխատել այդ հատվածի վրա:

«Նիկոլ Փաշինյանը համարեց, որ ինքը այն մարդն է, որը կարող է կապիտալ վերանորոգում անել հայ ժողովրդին: Երևի համարում է, որ Քրիստոսի «զապասկեն» ա, թե ինչ ա. էլ ինքնություն փոխենք, էլ էս անենք, էլ էն անենք»,- հավելել է Քոչարյանը: