«Նախագահ Փեզեշքիանի հրամանով կհրապարակվեն բողոքի ցույցերի հետևանքով զոհվածների անունները»․ Թաբաթաբեի

1677

Հինգշաբթի, 29 հունվարի, 2026 թ., 16:30

Իրանի իշխանությունները, նախագահ Մասուդ Փեզեշքիանի հրամանով, կհրապարակեն բողոքի ցույցերի հետևանքով բոլոր զոհվածների անունները։ Այս մասին հայտարարել է Իրանի նախագահի վարչակազմի հասարակայնության հետ կապերի բաժնի ղեկավար Մոհամմադ Մեհդի Թաբաթաբեին:

Թաբաթաբեին նշել է, որ այս քայլը պատասխանն է վիճակագրությունը նենգափոխելու՝ արևմտյան զանգվածային լրատվամիջոցների փորձերին: «Նպատակն է բացահայտել յուրաքանչյուրին, ով ստում է», - հավելել է նա:

Իրանի ԱԳ նախարար Աբբաս Արաղչին ավելի վաղ հայտնել է, որ զոհերի թիվը հասել է 3117-ի, նրանց թվում կան ինչպես խաղաղ քաղաքացիներ, այնպես էլ անվտանգության ուժերի աշխատակիցներ: