«Թրամփը չի հրաժարվի Գրենլանդիայից. նա 4 թարեկան երեխայի պես է». Ջեֆրի Սաքս

Ամերիկացի տնտեսագետ, Քոլումբիայի համալսարանի (Նյու Յորք) Կայուն զարգացման կենտրոնի տնօրեն, պրոֆեսոր Ջեֆրի Սաքսը TASS-ին տված հարցազրույցում հայտարարել է, որ ԱՄՆ-ի նախագահ Դոնալդ Թրամփը չի հրաժարվի Գրենլանդիան զավթելու իր ծրագրերից։

«Թրամփը չի նահանջի։ Նա կարող է փորձել զավթել Գրենլանդիան։ Սա չափազանց անհրապույր և անկայուն հեռանկար է»,- բացատրել է Սաքսը։

Նա հավելել է, որ Թրամփը վարվում է «չորս տարեկան երեխայի պես»։

Նախորդ օրը Գրենլանդիայի արդյունաբերության, առևտրի, հանքային պաշարների, արդարադատության և գենդերային հավասարության նախարար Նաաջա Նաթանիելսենը հայտարարել էր, որ կղզու վերաբերյալ ԱՄՆ-ի հետ որևէ համաձայնագիր չկա։

Նաթանիելսենի խոսքով՝ ամերիկացիների հետ Գրենլանդիայի վերաբերյալ երկխոսությունը նոր է սկսվում։

Նախկինում հաղորդվել էր, որ Թրամփը ՆԱՏՕ-ի գլխավոր քարտուղար Մարկ Ռյութեի հետ համատեղ մշակել է Գրենլանդիայի վերաբերյալ համաձայնագիր, որը ներառում է դրույթներ, որոնք արգելում են ռուսական և չինական ներդրումները կղզու տնտեսությունում, ստեղծում են ՆԱՏՕ-ի հրամանատարական կենտրոն Գրենլանդիայում, Միացյալ Նահանգներին տրամադրում են հանքային պաշարներ և սահմանում են «բացառիկ» ռեժիմ Միացյալ Նահանգների համար։