«Ադրբեջան կատարելիք ձեր այցի ընթացքում կարող եք ազատել Բաքվում պահվող հայ գերիներին». Արման Թաթոյան

«Միասնության թևեր» քաղաքական նախաձեռնության ղեկավար Արման Թաթոյանը ֆեյսբուքյան եթերում դիմելով ԱՄՆ փոխնախագահ Վենսին՝ մասնավորապես ասել է․ «Հայաստան կատարելիք առաջիկա այցի ժամանակ ձեզ գուցե շատ բան պատմեն, բայց ոչ այն առաջնային խնդիրների մասին, որոնք հուզում են մեր հասարակությանն իրապես․․․

Մենք վստահ ենք, որ Ադրբեջան կատարելիք ձեր այցի ընթացքում դուք կարող եք ազատել Բաքվում պահվող բոլոր 19 հայ քրիստոնյա գերիներին ու պատանդներին։ Հարատև խաղաղություն հաստատելու ԱՄՆ ջանքերը նպատակին կհասնեն, երբ Ադրբեջանը դուրս կգա Հայաստանի օկուպացված տարածքներից, ինչպես նաև վերականգնվեն բռնի տեղահանված 100 հազարից ավելի քրիստոնյա հայերի բնական իրավունքները։

Մեր ժողովրդի համար նախագահ Թրամփի և ձեր այս ջանքերը կդառնան հերոսական և ձեր անունները հավերժ կմնանա մեր պատմության էջերում»։