Ֆրանսիայում X-ի գրասենյակներում խուզարկություններ են իրականացվել

Փարիզի դատախազության կիբերհանցագործությունների դեմ պայքարի ստորաբաժանումը հայտնել է X սոցիալական ցանցի գրասենյակներում իրականացված խուզարկությունների մասին, գրում է Le Monde-ն։

Նշվում է, որ խուզարկությունները կատարվել են 2025 թվականի հունվարին սկսված հետաքննության շրջանակներում։ Դատախազությունից հայտնել են, որ Իլոն Մասկին և X-ի նախկին գլխավոր տնօրեն Լինդա Յակկարինոյին կամավոր ցուցմունք տալու ծանուցագրեր են ուղարկվել։

Ֆրանսիայի դատախազությունը հետաքննությունը սկսել է «Վերածնունդ» կուսակցության պատգամավորի հայտարարությունից հետո, որը «խորը մտահոգություն էր հայտնել հարթակի ալգորիթմի վերջին փոփոխությունների, ինչպես նաև Իլոն Մասկի կողմից այն ձեռք բերելուց հետո դրա կառավարմանը միջամտելու վերաբերյալ»։