«Ինչո՞ւ պետք է Գեորգի Կուտոյանն ու Հայկ Հարությունյանը ինքնասպան լինեին». լրագրողը՝ Սերժ Սարգսյանին

«Նախընտրական աժիոտաժ է մեկնարկել. ունե՞ք որոշում, եթե այո, կհանրայնացնե՞ք»,- լրագրողի հարցին՝ ՀՀ երրորդ նախագահ Սերժ Սարգսյանն ասաց՝ ոչ, եթե ունենան, կհայտնեն: «Ձեր իշխանության օրոք կարևոր պաշտոններ զբաղեցրած անձանց՝ ՀՀ նախկին ոստիկանապետ Հայկ Հարությունյանի ու ԱԱԾ նախկին տնօրեն Գեորգի Կուտոյանի ինքնասպանությունների հետ կապված մասնագիտական առումով հետևողական եմ եղել, բայց կարևոր հարցի պատասխանը չեմ ստացել. ինչո՞ւ նրանք պետք է ինքնասպան լինեին, դրդապատճառ կա՞ր»,- «Ժողովուրդ»-ի հարցին՝ Սարգսյանը պատասխանեց. «Չգիտեմ: Առանց դրդապատճառի՝ մարդ ո՞նց կարող է ինքնասպան լինել, ուրեմն ինչ-որ պատճառ կար»: