«Էփշթեյնն այնքան փորձեց համոզել` գնալ իր կղզի, որ արգելափակեցի». Իլոն Մասկ

Ամերիկացի գործարար Իլոն Մասկը բացահայտել է, որ ինքը արգելափակել է հայտնի ֆինանսիստ Ջեֆրի Էփշթեյնին, քանի որ նա բազմիցս փորձել է համոզել նրան գնալ իր կղզի։
«Էփշթեյնն այնքան փորձեց համոզել ինձ գնալ իր կղզի, որ ես ի վերջո պարզապես արգելափակեցի նրան», - գրել է Մասկը X սոցիալական ցանցում։

ԱՄՆ գլխավոր դատախազի տեղակալ Թոդ Բլանշը հունվարի 30-ին հայտարարել է, որ Էփշթեյնի գործով նյութերի հրապարակումն ավարտվել է։ Հրապարակված տվյալների ընդհանուր ծավալը գերազանցել է 3.5 միլիոն ֆայլը, այդ թվում՝ փաստաթղթեր, էլեկտրոնային նամակներ, լուսանկարներ և տեսանյութեր, որոնք կապված են այժմ արդեն մահացած ֆինանսիստի հանցագործությունների հետաքննության հետ։ 2019 թվականին Էփշթեյնին ԱՄՆ-ում մեղադրանք է առաջադրվել անչափահասների սեռական շահագործման համար, որը նախատեսում է մինչև 40 տարի ազատազրկում, և նման առևտրին մասնակցելու դավադրության համար (մինչև հինգ տարի ազատազրկում)։