«Վենսի հետ հանդիպում կխնդրենք՝ նրան 2 հարց ներկայացնելու համար». Արամ Սարգսյան

«Քանի որ օրերս Հայաստան է գալու ԱՄՆ փոխնախագահ Վենսը, կարող ենք դիմել և խնդրել հանդիպում նրա հետ: Մեր այսօրվա հավաքի անունից կարող ենք դիմում ուղղել ԱՄՆ դեսպանություն և առաջարկել հանդիպում Վենսի հետ»,-«Հայաստանի անվտանգության և արտաքին քաղաքական մարտահրավերների հանգուցալուծման հնարավոր ուղիները» քննարկման ժամանակ ասել է Հայաստանի դեմոկրատական կուսակցության առաջնորդ Արամ Սարգսյանը: «2 հարց է այստեղ. նա գնալու է Բաքու և, մեր կարծիքով, պարտավոր է լինելու պահանջել, որպեսզի անհապաղ ազատ արձակեն մեր բոլոր գերիներին: Երկրորդ հարցը, որ Վենսը կարող է այստեղ դիմել, որ Վեհափառի հետ հանդիպեն: Հայ Առաքելական Եկեղեցու դեմ ճնշումը, որն իրականացնում է այսօրվա իշխանությունը, նույնպես կասեցնելու հնարավորություն ունի ինքը, կարող է պահանջել այս իշխանություններից նաև որ քաղբանտարկյալներ չլինեն մեր երկրում»,- ընդգծել է նա: