Ճապոնիայում բացվել է Ձմեռային բալենու ծաղկման փառատոնը

Ամենամյա ձմեռային բալենու ծաղկման փառատոնը, որն ավանդաբար գրավում է հարյուր հազարավոր զբոսաշրջիկների ամբողջ Ճապոնիայից և արտասահմանից, բացվել է շաբաթ օրը Իզու թերակղզու ճապոնական Կավազու քաղաքում։ Այն կտևի մինչև մարտի 8-ը։

Գլխավոր տեսարժան վայրը Կավազու գետի երկայնքով գտնվող մոտ չորս կիլոմետր երկարությամբ պողոտան է, որտեղ տնկված են 850 կայազու-զակուրա ծառեր՝ իրենց բնորոշ մուգ վարդագույն ծաղիկներով։ Ի տարբերություն շատերին ծանոթ գարնանային բալենու ծաղիկների՝ իրենց նուրբ, գրեթե սպիտակ երանգներով և կարճ ծաղկման ժամանակահատվածով, կայազու-զակուրա բողբոջները բացվում են աստիճանաբար, և ծաղիկները կարող են տևել գրեթե մեկ ամիս։