«Համաներումն անընդունելի է ու անարդար՝ պետության առաջ իրենց պարտքը կատարած զինծառայողների նկատմամբ». Հայկ Սարգսյան

ԱԺ-ն քննարկում է պատգամավոր Հայկ Սարգսյանի ներկայացրած «Զինվորական ծառայության և զինծառայողի կարգավիճակի մասին օրենքում լրացումներ և փոփոխություններ կատարելու մասին» նախագիծը երկրորդ ընթերցմամբ և ամբողջությամբ ընդունելու մասին հարցը: «Որպես անհամաձայնություն կամ քննադատություն՝ հնչել է երկու տեսակետ. առաջին տեսակետի հեղինակները պնդում են, որ առաջարկվող գումարները բարձր են, պետք է գնալ համաներման ճանապարհով, որպեսզի բանակից խուսափածները առանց ծառայելու ու առանց որևէ վճարում կատարելու վերադառնան ՀՀ: Երկրորդ տեսակետի հեղինակները հակառակ պնդումն են անում՝ ասելով՝ անթույլատրելի է որևէ գումարի դիմաց ազատել քրեական պատասխանատվությունից: Իմ համոզմունքն այն է, որ համաներումը անընդունելի լուծում է ու անարդար է պետության առաջ իրենց պարտքը կատարած զինծառայողների նկատմամբ»,- ասել է Սարգսյանը: