«Խաղաղությունն առանց ուժեղ պետության կոչվում է հանձնվել»․ Սամվել Կարապետյան

«Մեր պատիվը, մեր միասնականությունը և արժանապատվությամբ լի կյանքը վերականգնելու համար՝ ես հպարտությամբ հայտարարում եմ իմ թեկնածությունը Հայաստանի վարչապետի պաշտոնի համար»․ այս մասին ֆեյբուքյան էջում հայտնում է «Ուժեղ Հայաստան» կուսակցության նախագահ, գործարար Սամվել Կարապետյանը՝ կից ԱԲ միջոցով ստեղծված տեսանյութով ներկայացնելով ուղերձը։

«Ինձ կալանավորելով, կալանքի տակ պահելով «փոքրիկ խմբակ»-ը կարծում էր, որ կլռեցնեն, կմեկուսացնեն ոչ միայն ինձ, այլ Հայաստանի ձայնը՝ մեր ժողովրդի ձայնը, մեր քաղաքացու ձայնը։ Բայց նրանք հերթական անգամ սխալվեցին ու ձախողեցին։ Հիմա մեր ձայնն ավելի բարձր է հնչում։ Այսօր ևս մեկ անգամ հաստատում ենք, որ Հայաստանում քաղաքական իրավիճակը վերջնականապես փոխվել է ու «փոքրիկ խմբակ»-ն արդեն ուժ չունի իր թուլացած դիրքերը վերականգնելու համար։ Ժողովուրդը դժգոհ է իշխանություններից։ Հասարակության մեծ մասը վերջնականապես հիասթափված է, քանի որ իշխանությունը ձախողել է ամեն ինչ։ Մեր երկրին ամեն տեսակի արհավիրք, դժբախտություն ու թուլություն բերածները վերջին շրջանում միայն խոստանում են ու խոսում եմ մի բանից՝ թույլ խաղաղությունից։ Խաղաղությունն առանց ուժեղ պետության՝ կոչվում է հանձնվել։ Մենք ուզում ենք խաղաղություն, ուզում ենք ուժեղ և արժանապատիվ խաղաղություն։ Աշխարհում ոչ մի երկիր չի կարող իրական խաղաղության մասին բանակցել՝ խաղաղություն աղերսելով»,- մասնավերապես նշվում է ուղերձում։