«Այն, ինչ կատարվում է վերջին ամիսներին, հանգեցնելու է ազգային աղետի»․ Պետրոս Մակեյան

«Ժողովրդավարական հայրենիք» կուսակցության նախագահ Պետրոս Մակեյանի ֆեյսբուքյան գրառումը․ «1991թ-ից եղել եմ ակտիվ քաղաքական գործընթացների մեջ, իսկ 1996թ-ից, լինելով իշխանության մեջ, բարձրաձայնում էի իշխանության սխալները, որը չհանդուրժվեց իշխող վերանախավի կողմից, 1997թ-ի սեպտեմբերից ձևավորեցինք «Հայրենիք» պատգամավորական խումբը՝ շարունակելով ակտիվ ընդդիմադիր գործունեությունը, տասնյակ քրեական գործեր հարուցվեցին «Ժողովրդավարական Հայրենիք» կուսակցության անդամների, իմ և տղաներիս նկատմամբ, ինչը բնականաբար քաղաքական հետապնդումներ էր Աղվան Հովսեփյանի նախաձեռնությամբ։ Իսկ այն, ինչ կատարվում է վերջին ամիսներին, հատկապես եղեկեցու հանդեպ, մասնավորապես՝ եպիսկոպոսների ու կաթողիկոսի նկատմամբ քրեական հետապնդումների նախաձեռնումը, տանում է ազգի և եկեղեցու պառակտման, ինչը հանգեցնելու է ազգային աղետի, որն իրականացվում է հոգեկան անհավասարակշիռ անձի քմահաճույքներն ու թշնամու ցանկությունները բավարարելու համար։ Ամբողջ դատաիրավական համակարգը, հատկապես դատախազությունը գլխավոր դատախազի գլխավորությամբ, պետք է պատասխանատվության ենթարկվեն՝ Սահմանադրությունը և օրենքները ոտնահարելու, վարչապետի անզուսպ, հակաօրինական ցանկությունները կատարելու, պետականության հիմքերը կազմաքանդելու համար։
Հ․Գ․ 2022թ-ի նոյեմբերին իմ հայտարարության հիման վրա գլխավոր դատախազ Ա․ Դավթյանը քրեական վարույթ հարուցեց վարչապետի ընտանիքին պատկանող բիզնեսի կոռուպցիոն դրսևորումների, փողերի լվացման հարցով, բայց նորանշանակ գլխավոր դատախազ Աննա Վարդապետյանը 16 ամիս անց առանց քննության գործը կարճեց։ Ժողովրդական խոսքը տեղին է ասված՝ մինչև չգա հետինը, չես հիշի առաջինը, հիմա նույնիսկ Աղվան Հովսեփյանը նախընտրելի է օրվա գլխավոր դատախազի համեմատ»։