Դնեպրում ապրիլի 15-ը հայտարարել են սգո օր

240

Երեկ, 22:42

Դնեպրի իշխանություններն ապրիլի 15-ը հայտարարել են սգո օր՝ երեքշաբթի առավոտյան ռուսական հրթիռային հարվածի հետևանքով զոհվածների համար: Դնեպրի քաղաքապետ Բորիս Ֆիլատովը որոշման մասին հայտարարել է սոցիալական ցանցերում։

Քաղաքապետի՝ սգո օր հայտարարելու մասին հրամանագրում նշվում է, որ չորեքշաբթի օրը Դնեպրի քաղաքային շենքերի և ձեռնարկությունների վրա դրոշները կիջեցվեն. մասնավոր ձեռնարկություններին և կազմակերպություններին խորհուրդ է տրվում բարձրացնել սև ժապավեններով ուկրաինական դրոշներ։

Ավելի վաղ Դնեպրոպետրովսկի մարզային ռազմական վարչակազմի ղեկավար Ալեքսանդր Գանժան հայտնել էր, որ երեքշաբթի օրը՝ ժամը 11:30-ի սահմաններում, Դնեպրի փողոցում ռուսական հրթիռի պայթյունի հետևանքով զոհվել է 5 մարդ: Վիրավորվել է ավելի քան 20 մարդ, որոնցից 9-ը ծանր վիճակում են։

Ռուսական կողմը Դնեպրի վրա հարվածի վերաբերյալ մեկնաբանություններ չի արել։