«Փաշինյանի ուշացած ցավակցության առեղծվածը»․ Արմեն Աշոտյան

ՀՀԿ փոխնախագահ Արմեն Աշոտյանը ֆեյսբուքյան էջում գրել է․ «Փաշինյանի ուշացած ցավակցության առեղծվածը․

Շատերիդ հետաքրքիր է, թե ինչու Փաշինյանը չցավակցեց Իրանին իր հոգեւոր առաջնորդի սպանությունից անմիջապես հետո, այլ արեց դա երեք օր ուշացումով։
Պատճառը, բնավ, ոչ աշխատանքային օրերը չէին։ Ոչ էլ բեմադրված անտարբերությունն ու թեթևսոլիկությունը։ Ոչ էլ «ուրախ ավտոբուսի» անվան տակ երթևեկող հիվանդասենյակ համար 6-ը։
Իրական պատճառը հետևյալն է։
Փաշինյանականները կա՛մ հույս ունեին, կա՛մ իրենց կուռատորներից՝ ինֆո, որ Խամենեի սպանությունից հետո Իրանի պետական կառավարման համակարգը արագ կփլուզվի, երկրի պաշտպանական համակարգը կկաթվածահարվի, և Իրանը կհայտնվի վերահաս կապիտուլյացիայի շեմին, ինչը կհանի բարեկամ երկրի առաջնորդի սպանության հետ կապված ցավակցելու բարոյա-քաղաքական հրամայականը։
Նրանց համար այդքան բաղձալի սցենարը չիրականացավ։ Իրանը վերապրեց Խամենեի սպանությունը և շարունակեց դիմադրությունը։
Ուստի երեք օր անց Փաշինյանը ստիպված էր ուշացած բարեվարքություն դրսևորել և ցավակցել Խամենեի սպանության առիթով»։