«Ի՞նչ կա միջադեպի գործից». Հովիկ Աղազարյանը՝ Հակակոռուպցիոն կոմիտեի նախագահին

«Հարցերիցս մեկը վերաբերում է պարոն Քյարամյանի ու իմ միջև 2024թ. հոկտեմբերին տեղի ունեցած տհաճ միջադեպին: Իմ փաստաբանը դիմել էր դատախազություն, որպեսզի քրեական վարույթ հարուցվի էդ միջադեպի հետ կապված, որովհետև էնտեղ մտքեր հնչեցին, որ անպայման մեկնումեկը պիտի հանցանք կատարած լիներ... Գործը հարուցվեց, ինձ մի անգամ կանչեցին հարցաքննության, առգրավվեցին հեռախոսս ու վերջ: Ի՞նչ կա դրանից»,- ԱԺ-ում դիմելով ՀՀ հակակոռուպցիոն կոմիտեի նախագահ Արթուր Նահապետյանին՝ հարցրեց պատգամավոր Հովիկ Աղազարյանը: Պաշտոնյան ասաց, որ հարցերին այս ամբիոնից չի պատրաստվում պատասխանել, եթե կան միջնորդություններ, առարկություններ, գրավոր ներկայացնի վարույթն իրականացնող քննիչին՝ պատշաճ պատասխան կտրվի: