«Իրանի դեմ պատերազմը անորոշ ժամկետով շարունակվելու միտումներ ունի»․ Արմեն Պետրոսյան

Տարածաշրջանային հարցերով փարձագետ Արմեն Պետրոսյանի ֆեյսբուքյան գրառումը․ «Իրանի դեմ պատերազմը դեռ անորոշ ժամկետով շարունակվելու միտումներ ունի.
Իրանի դեմ վարվող պատերազմի ընթացքում Իսրայելի ռազմավարական նպատակներից մեկը, կարծում եմ, այդ երկրի ռազմական և ռազմավարական ներուժի հնարավորինս զրոյացումն է, անկախ դրա վարչակարգի բնույթից՝ որպես տարածաշրջանային գործոն՝ նրա դերակատարաման չեզոքացումը։
Ցայժմ արձանագրված ռազմական արդյունքները ներկայացրել է Իսրայելի պաշտպանության բանակի (ՑԱՀԱԼ) գլխավոր շտաբի պետ, գեներալ-լեյտենանտ Էյալ Զամիրը։
Ըստ նրա՝ ՑԱՀԱԼ-ի ռազմաօդային ուժերն Իրանի դեմ պատերազմի ընթացքում իրականացրել են մոտ 2500 հարված և կիրառել ավելի քան 6000 զինամթերք։ Ոչնչացվել են ՀՕՊ համակարգերի մոտ 80 տոկոսը, և գրեթե լիակատար գերակայություն է ձեռք բերվել Իրանի երկնքում։
Վնասազերծել և ոչնչացվել են բալիստիկ հրթիռների արձակման կայանների ավելի քան 60 տոկոսը։
Այս արդյունքը հնարավոր է դարձել նաև որակյալ հետախուզության շնորհիվ...
Իրանի դեմ պատերազմի հաջորդ փուլի մասին.
«Սկզբնական անակնկալ հարվածի փուլն ավարտելուց հետո, որի ընթացքում մենք հասանք օդային գերակայության և ճնշեցինք բալիստիկ հրթիռների համակարգը, անցնում ենք արշավի հաջորդ փուլին։ Այդ փուլում մենք կուժեղացնենք հարվածները ռեժիմի հիմքերի և նրա ռազմական կարողությունների դեմ։ Ունենք նաև լրացուցիչ անակնկալ քայլեր, որոնք ես հիմա չեմ պատրաստվում բացահայտել...»»։