Կոբախիձեն` Ադրբեջանի և Հայաստանի հետ համատեղ մաքսային կետեր ստեղծելու մասին

Ակտիվ աշխատանքներ են տարվում Ադրբեջանի և Հայաստանի հետ համատեղ մաքսային կետեր ստեղծելու նախագծերի վրա: Այս մասին հայտարարել է Վրաստանի վարչապետ Իրակլի Կոբախիձեն՝ ելույթ ունենալով Միջազգային մաքսային օրվան նվիրված միջոցառմանը։

Նա նշել է, որ Ասիական զարգացման բանկի աջակցությամբ իրականացվող նախագծերը տարածաշրջանային համագործակցության լավագույն օրինակն են։

Կոբախիձեն ընդգծել է, որ առևտրային ուղիների գլոբալ վերագնահատման պայմաններում Վրաստանը ծառայում է որպես կայունության և լոգիստիկայի տարածաշրջանային կենտրոն: Վարչապետը ընդգծել է Վրաստանում ընթացող մաքսային բարեփոխումների կարևորագույն նշանակությունը այս գործընթացում։