Կիրակի, 26 ապրիլի, 2026 թ.
|
Ստեփանակերտում`   +10 °C

«Մտնում են հեռախոսի բանկային հավելվածներ ու թալանում, վարկեր ձևակերպում». Սամվել Մարտիրոսյան

«Մտնում են հեռախոսի բանկային հավելվածներ ու թալանում, վարկեր ձևակերպում». Սամվել Մարտիրոսյան
409
Երեքշաբթի, 10 մարտի, 2026 թ., 22:24

Տեղեկատվական անվտանգության փորձագետ Սամվել Մարտիրոսյանն զգուշացնում է. «Հիմա մեծ ալիք է, շատ մարդ քաշվում է, զգուշացե՛ք, հատկապես տարիքով մարդիկ են քաշվում և թիրախավորվում: Զանգում են, ներկայանում այս կամ այն օպերատորից ու փորձում հեռախոսի հավելավածով գումար շորթել։

Ռուսերեն են խոսում, թե բա՝ այնքան դիմում կա՝ ստիպված մեր Վրաստանի թիմն ենք ներգրավել, հեռախոսի մեջ 5G պետք է դնենք, WhatsApp-ով են զանգում, էկրանը ստիպում են «շեյր» անել, ֆայլ են ուղարկում։ Եվ եթե այդ ֆայլը մարդը տեղադրեց, մտնում են բանկային հավելվածներ ու թալանում, վարկեր ձևակերպում, կարճ ասած՝ խայտառակություն։ Եթե նման բան արդեն եղել է, շտապ զանգում եք բանկ, արգելափակում եք, իսկ հեռախոսը պետք է գործարանային զրոյացնել, ջնջելմինչ կա չկա, բնականաբար, տվյալները մինչև էդ պահպանեք»,- մանրամասնում է փորձագետը։