«Էլեկտրասյուները մնացել են գազատարի հույսին»․ Դերենիկ Մալխասյան

«Մայր Հայաստան» կուսակցության անդամ Դերենիկ Մալխասյանի ֆեյսբուքյան գրառումը․ «էլեկտրոցանցի ղեկավարությունն անգործության է մտանված․ էլեկտրականության սյուները մնացել են գազատարի հույսին․
Այսօր Շիրակի մարզի Անի համայնքի գյուղեր շրջայցի ժամանակ նկատեցի այս կիսատապալված սյունը, որը հենվել էր գազատարին։ Եթե գազատար խողովակը չլիներ՝ վաղուց սյունը գետնին տապալված կլիներ: Հավանաբար էլեկտրոցանցի ղեկավարությունը հենց գազատար խողովակի հույսին է, որ մոտ 15 օր առաջ տապալված սյունը դեռ չեն փոխել։ Սյունի տապալման դեպքում կարող են վնասվել մարդիկ ու ավտոմեքենաները։
Բայց փիարվելու ու գլուխ գովալու համար մի րոպե ժամանակ չեն կորցնում։
Մի փոքր քամու դեպքում այս գյուղը՝ Բագրավանը, կրկին երկար ժամանակով առանց հոսանքի է մնալու: Առհասարակ այդ կողմերում, տեղացիների պատմելով, հաճախակի են դարձել հոսանքի անջատումները...»։