«Մենք հարվածել ենք տարածաշրջանում գտնվող ամերիկյան բոլոր բազաներին». Ալի Ֆադավի

ԻՀՊԿ հրամանատարը պնդում է, որ Իրանը ոչնչացրել է Մերձավոր Արևելքում գտնվող բոլոր ամերիկյան բազաները
Իրանը ոչնչացրել է Մերձավոր Արևելքում գտնվող ամերիկյան բոլոր բազաները, պնդում է Իսլամական հեղափոխության պահապանների կորպուսի (ԻՀՊԿ) հրամանատարության խորհրդատվական խմբի ղեկավար Ալի Ֆադավին։
«Նրանց բոլոր բազաների ոչնչացմանը մի քանի օրից էլ քիչ ժամանակ է պահանջվել։ Մենք հարվածել ենք տարածաշրջանում գտնվող ամերիկյան բոլոր բազաներին», - իրանական հեռուստատեսությամբ հայտարարել է խորհրդատվական խմբի ղեկավարը։ Ֆադավին նաև չի բացառել այն հնարավորությունը, որ Իրանը կարող է գերի վերցրած լինել ամերիկացի զինվորների, բայց ապացույցներ չի ներկայացրել։
Ֆադավին հավելել է, որ Իրանն ունի ստորջրյա արձակվող հրթիռներ, որոնք Թեհրանը կարող է օգտագործել։
Իրանը հարվածում է Մերձավոր Արևելքում և Իսրայելի տարածքում գտնվող ամերիկյան ռազմական թիրախներին՝ ի պատասխան ԱՄՆ-ի և Իսրայելի հարձակումների։