«Ասում եք՝ կառուցել ենք. ձեր իշխանության օրոք 200-ից ավել մանկապարտեզ ու 200-ից ավել դպրոց տվել եք թուրքերին»․ Արմենակ Դանիելյան

«Էդ որ անընդհատ ասում եք՝ կառուցված, կառուցվելիք, չկառուցված մանկապարտեզներ․․․ նախ մի հատ ձեր ժամանակ կառուցած մանկապարտեզներին նայեք, դրանց որակին նայեք, դրանց մասին իմ գործընկերները նկարել են․ կան մանկապարտեզներ, որոնք բարեկարգվել են, բայց բակերը բարեկարգ չեն, չունեն ապաստարաններ»,- այսօր Երևանի ավագանու նիստում, դիմելով քաղաքապետ Տիգրան Ավինյանին, ասել է ավագանու «Մայր Հայաստան» խմբակցության անդամ Արմենակ Դանիելյանը։ «Որ ասում եք կառուցել ենք, կառուցել ենք․ հիշեցնեմ, որ Ձեր իշխանության օրոք 200-ից ավել մանկապարտեզ ու 200-ից ավել դպրոց տվել եք թուրքերին»,- հավելել է ավագանու ընդդիմադիր անդամը։